IIRE

  • Increase font size
  • Default font size
  • Decrease font size

Bisaya

Introduction - International introductions
PDF
International Insitute for Research and Education Alang sa serbisyo sa tanang progresibong pwersa sa kalibutan Ang International Institute for Research and Education (IIRE) nga nakabase sa Amsterdam, nagahatag og oportunidad sa mga aktibista ug iskolar sa serbisyong panukiduki ug edukasyon. Sukad niadtong 1982 diin pasiunang giablihan ang Institute ang mga nanag-unang kalihukan niini mao ang pag-organisa og mga kurso, pagbansay ug edukasyon diin ang mga topiko niini kabahin sa pagpalingkawas sa mga dinaugdaug ug nilupigang hut-ong. Ginatos na ka mga partisipante ang nakasalmot sa mga edukasyon ug kasagaran kanila gikan sa mga kabus ug nakigbisog nga mga nasud. Ang IIRE nailhan sa kadaghanan isip usa ka sentro nga nagapalambo sa mga malantip nga panghunahuna ug pakiglantugi, pagbinayloay sa mga kasinatian sa mga aktibista diin nagsalmot sa inadlaw-adlaw nga mga pakigbisog diha sa ilang tagsa-tagsa ka komunidad. Ang mga pagtuon sa IIRE naghatag og talagsaon nga oportunidad sa mga aktibista aron makapahulay sa inadlaw-adlaw nga politikang gimbuhaton ug makahatag og panahon sa paghanduraw sa ilang praktika diha sa pag-usab sa katilingban ug pagbinayloay sa mga ideya ug panghunahuna sa ubang aktibista sa ubang nasud. Ang IIRE nagatuo usab susama sa mga grassroots organizations nga ang pagbag-o sa katilingban nagsumikad sa demokratikanhong proseso sa ubos nga han-ay. Kini nga kabag-ohan isulong gikan sa nag-unang hut-ong sa katawhang gidaugdaug ug gilupigan. Ang IIRE nagaduso sa kamahinungdanon sa pakigbisog sa usa ka nasud ngadto na sa mas lapad nga konteksto ug mao kini ang panginahanglan sa pagpalambo sa usa ka mas malukpanon nga pangkalibutang pakigdait ug paghiusa. Bag-ohay lamang ang IIRE mibalhin sa usa ka bag-ong lokasyon. Karong tuiga 2007 ang IIRE aduna nay mga bag-o ug modernong kahimanan alang sa mga pagtuon sama sa mga kagamitan para sa paspas nga paghubad sa nagkalain-lain nga sinultian. Aduna usab kini kaugalingong kusina ug mga katulganan diin ang mga kagamitan moderno ug bag-o. Samtang gipadayon pa gihapon ang library nga dunay 25,000 ka mga libro ug periodicals nga talagsaon nga tinubdan sa inpormasyon alang sa mga nagpanukiduki sa mga teoriya ug kasaysayan sa katilingban. Dugang pa ang Institute aduna poy iyang kaugalingong aktibidades ug nagasuporta usab sa mga pangkalibutan ug lokal nga proyekto aron mapasabwag niini ang kalingkawasan ug katilingbanong hustisya. Ang Institute makanunayong nagapasiugda og mga pampublikong pagtuon ug debate inubanan sa ubang mga progresibong organisasyon nga nakabase sa Amsterdam. Ang Board sa IIRE mipili og usa ka network alang sa mga Fellows diin dako og papel diha sa pagpalambo og critical research. Kasagaran sa mga Fellows nagtudlo sa mga inila nga mga unibersidad samtang nagasalmot usab sa inadlaw-adlaw nga politikanhong gimbuhatong ug aktibismo diin sangkap ang ilang malantip nga kaalam. Ang mga Fellows nagatabang sa publikasyon ug nagasalmot usab sa mga pagtuon isip mga tigpasayon ug tighatag og lectures ug mga taho. Ang website sa IIRE kanunay kini updated ug mas gipalapad pa pinaagi sa mga libre ug mga madownload nga mga Notebooks nga publikasyon ngadto sa nagkalain-lain nga sinultian ug usab mga audio files nga gikuha panahon sa mga pagtuon sa miaging mga katuigan. Ug ang posibilidad usab sa pag-record og mga bag-ong taho sa mga pagtuon pinaagi sa website niini nga www.iire.org ug ang mga lectures nila ni Ernest Mandel ug Livio Maitan nga mga nag-unang mga Fellows sa Institute sukad pa sa sayong bahin sa 1980s.
 

The-People-Speak

Videos and audios of the 2011 Global Justice School

Logo3_globaljusticeschool-tiny

logoes2 copia-petit

Newsletter

Name:
Email:

Support us